Diiwaanka
Gabay

Abwaan:
Cabdirisaaq Cabdillahi Liiban

Muusanow

Tiriye: Cabdirisaaq Cabdillahi Leaban

Habar Yonis – Gunbuur

Tixda: Musanow

May 1995

Gabaygan musanow waxa iga keenay markii dawladdii Maxammed Siyaad Barre Dhacday ee woqooyi dadkiisi ku soo noqday ayaa dadkii waxay u dhaqaaqeen colaad gudohooda ah. Colaaddaa waxaa hoggaminayay oo horseed ka ahaa dadkii markaa hormoodka la bidayay oo ka koobnaa siyaasiin iyo askar saraakil ah

 

Anoo ka xun taas ayaan triyay tixda musanow anigaa oo la hadlaaya laba kooxood ee dagaalka wada kuna hal qabsay abwaanka wayn ee Cali Suguleh Duncarbeed oo ila joogay magaalada Ajman, United Arab Emirates 

Musanow

Maansooyin Gabay Beryaa ina Suglow    Waanigaan Marine

Wataan ka maaliyay indheer                     Muhashadiisiiye

Adigaa madkiisiyo yaqaan                        Miimka iyo nuune

Bal imaqal wuxuu miranayaa                   Mulugga feedhaaye

Macaankayga badanbaa colhoday           Minow samaantaye

Maaleeyo qudhac baan ahiyo                   Maydhax dacareede

Inaan abid midhaan diidanahay              Cidina meelaysan

Oo aan waxaan maaganahay                   Dib uga soo magin

Oon mayada ii furan dibnaa                    Kala mildhaabaynin

Oon ahay mankii Adan Cumar                 Muunaddiyo xooga

Maandhow u tebi uumiyaa                       Moogahaa badane

                                                                

Afartaa mahiigaan curtiyo                        Mayayga dayreed dheh

Maadh doogan majeen baxdiyo                Madowga geeda dheh

Baddoo murugtay mawjada cartamay      Maayad socotayn dheh

                                                                

Magan iyo inaan inanlayaal                     Tayda iga meersan

Oon aan martiyi igu xukumin                   Minanka reerkayga

Oon aan sidii mari idaad                          Iga macaashaynin

Marlay dumar inaan ahayn                      Meher xalaaleeyay

Oo aan  maqaar lay dighayn sidii            Madi la haaneeday

Oo aan masayr sacab tumayn                   Kuna muraaqoonin

Oonaan gunimo muudsan Karin              Jeer la malabeeyay

Mareegta iyo nimankaa xadhkaa              Igu maleegaaya

Intaan midigtu noo kala wargayn             Muranka yaa jooja

                                                                

Afartaa mahiigaan curtiyo                        Mayayga dayreed dheh

Maadh doogan majeen baxdiyo                Madowga geeda dheh

Baddoo murugtay mawjada cartamay      Maayad socotayn dheh

                                                                

Mareexanka Gedo inaan                           Muxubo noo haynin

Oon Darood miciin ii ahayn                     Madhiya kii baanay

Oonu maamul ii qabanahyn                     Moorgan iyo Gaani

Maymayga iyo inaan Hawiye                    Halo ku maalaynin

Oo aanan mooryanka Xamar                   Maato ugu yeedhin

Miidaamo guushaan ku helay                   Inaan Mudug ka maydhaami

Bal maleeya dhaha nin ragi                      Waa I maan garane

                                                                

Afartaa mahiigaan curtiyo                        Mayayga dayreed dheh

Maadh doogan majeen baxdiyo                Madowga geeda dheh

Baddoo murugtay mawjada cartamay      Maayad socotayn dheh

                                                                

Majarii darbaa iga malmalay                   Marinki toosnaaye

Midiyaha raggaa geeskastaba                  Mudaca soofeeyay

Ee mataanahaygiyo ku jaray                    Muruqa soo daalay

Ee waliba madaxtooyo iyo                        Magac ku doonaaya

Maxastiyo agoomahan madfaca               Mootar lagu hoorshay

Ee aan muraad laga lahayn                     Milicna loo saaray

Mansab may ka heli naafadiyo                 Maydka tirabeelay

                                                                

Afartaa mahiigaan curtiyo                        Mayayga dayreed dheh

Maadh doogan majeen baxdiyo                Madowga geeda dheh

Baddoo murugtay mawjada cartamay      Maayad socotayn dheh

                                                                

Mahadhadan ku timi reer tolkay               Maadsay Aadmiguye

Madax iyo mijaba reer Isaaq                    Murugo waw taale

Hadayse taladu maansaar liqdoo             Laysku mariwaayo

Maangaabka lama soo egmado                Mililka saarayne

Gobbaa xaajo maarayn kartoo                 Lagu majeertaaye

Ninkii megedabaa tamarin jiray                Maalintii adage

Midhii Ismaciil Jibril                                 Midhaha reer Farax

Mataan iyo ku sima Xaamudyada             Midhishi guud yaalla

Magoolkii Xildiid iyo ka daya                   Mudanka Caynaanshe

Recent Forum Posts

No recent posts