Diiwaanka
Gabay

Abwaan:
Cabdirisaaq Cabdillahi Liiban

Xulasho

 Tiriye: Cabdirisaaq Cabdillahi Leaban

Habar Yonis – Gunbuur

Tixda: Caddalool

1986

 Tixdan xulasho waxaan u tiriyay nin yidhaa Kayd on aanu wada joognay waddanka United Arab Emirates. Kayd ayaa gabayga igu bilaabay isaga oo markaa i yara dhaleecaynaya. Dhaleecada u muuqtay Kayd oo ahyd anoo markaa guursaday oo guursaday inan aanu isagu markaa is lahayn ama iga filayn. Meeluhu igu tuhmayayna aan ahayn

 

 

 Koolkaa wuxuu Keyd yidhi

Diga rogatay waadan Cabdoow oo,  dadab galbaad tahaye                                                          Hablahaad dakharka gaadhsiisaybaan,    weli daweeyaaye                                                                 Gabal baa ku dubay awgayow,    dahabki heeraaye                                                                                 Oo Diilaliyo ciil hadduu,  duuban yahay meele                                                                      Dalanbaabigaasuu u geli,  duulan la aqoone                                                                                   Doollaala dheeroo waxaad damacday waa yaabe

 Waxaa la yidhi cayna u guurso amaanna u dhimo. Waxtigaa Keyd oo qudha mahee dadbadan baa igu kacay.

Haddaba Keyd waxaan idhi

Keydow gabagu waa xaal jinniyo, xuladda shaydaane

Xanaf haddaanu reebay waa horaan, xulakadayn  

Xujaad dhabarka ii saariyo, xaajo qara wayne                                                                                   

Xogogaalla maad ii ahyn, xeeladaan dhigayee                                                                                 

Xasadkaygu way badan yihiin, labada xoomoode                                                                          

Xinanaas ragbaa ii kawiran, xayskan maanta ahe

 

Xukunkana  Elaah baa hayee, xilo haddan doonay                                   

Oo aan xaggaa iyo xaggaa, xuliyay duulaanka   

Xodayo iyo wareeg qalbigu, ii xasilwaaye   

Xagaaftii cadaydu  iyo galbeed, yuu xeel furay  

Xisaabli'ina layskama galee, waa xidigyaaye                                                                                

Xidaarnimada waad igu ogtee, hay xanaakadine

 

Goortaan ka soo dhilay Xaseen, xiinka soo kiciyay      

Ee ebid gob waa loo xishaa, dadab naloo xeeray           

Gogol wada Xariir iyo mashxarad, nalagu xayndaabay                                                                

Xadantada jidkaygii gasho, xaadda kor u booday   

Xubnihii i wada daalaybaan, sii xasuusnahay

 

Raggu ways xaduura markii, laysu xarakeeyay  

Ee xeerba waa xeer arrimo, nalagu xaynqaaday  

Xaggaygii kamay ciirin e, waan xantoobsadaye                                                                              

Xakamaha ayaan soo qabsaday, geenyadaa xulaye                                                                      

Maantayse xurmiyo noo dhextay xidid an gurayne     

Xamdi badan Ilaah baa leh, xanina waa been

 

 

Recent Forum Posts

No recent posts